Densaýlyq saqtaý ministri Alektsei Tsoi elimizde 1 tamyzdan bastap qalai júrgiziletinin túsindirdi, dep habarlaidy "Ult aqparat".
«Dúniejúzinde pnevmoniia juqtyrý tendentsiiasynyń artqany baiqalady. 1 qańtardan beri elde 234 187 adam pnevmoniia juqtyrǵan. Osy jaǵdai DDSU mán berip, koronavirýs infetsiiasyna uqsas pnevmoniia jaǵdaiyn kodtaityn jeke kod shyǵardy», - dedi Aleksei Tsoi 24 kz arnasynda bergen suhbatynda.
Sonymen birge, Densaýlyq saqtaý ministri «1 tamyzdan bastap statistika qandai bolýy múmkin?» degen suraqqa jaýap berdi.
«Statistikany alý úshin belgili bir ýaqyt kerek. Birinshiden, Qazaqstanda bar normativti talaptardy ázirleý kerek. Ekinshiden, eń úlken másele – emhana, statsionar, aýyldaǵy emhana deńgeiinde aqparattyq júiede bar árbir meditsinalyq qyzmetkerdi oqytý. Olar kodtý degenniń ne ekenin, naqty klinikalyq belgilerdi, basqa da nusqalardy bilýi tiis. Iaǵni árbir meditsinalyq qyzmetker pnevmoniiany qai sanatqa jatqyzýy kerektigin bilýi kerek. Bul óte mańyzdy. Qazir DDSU treningteri ótkizilip jatyr. Bizdiń statister árbir aqparattyq júiege jumys jaiyn túsindirýde. Álbette biz aqparattyq júieniń bárin daiyndap, kodty ózimizge qoiýymyz kerek», - dedi ol.
Densaýlyq saqtaý ministri 1 tamyzdan bastap testileý nátijesinde anyqtalǵan jáne koronavirýs belgilerine uqsas pnevmoniia týraly málimet kórsetiletinin jetkizdi. Sonymen birge 1 tamyzdan bastap elde tirkelgen 234 myń pnevmoniia jaǵdaiy atalmysh statistikaǵa qosylmaitynyn jetkizdi.
«Biz statistikany 1 tamyzdan bastaimyz. Tirkelgen jaǵdai ár kún saiyn anyqtalǵan málimetter boiynsha qosylyp otyrady», - dedi ol.
