QR Densaýlyq saqtaý ministri Aleksei Tsoi Qazaqstandaǵy koronavirýs pnevmoniiasymen aýyrǵandar sanynyń kúrt aýytqýyn túsindirdi, dep habarlaidy "Ult aqparat".
«Bul másele únemi kóteriledi. Statistikalyq derekterdiń aýytqýy apta saiyn baiqalady. Ásirese bul derekter naýqastar emhana men aýrýhanalarda kóptep tirkeletin demalys kúnderine kóbirek bailanysty bolady. Emhanalar demalys kúni jabylady, turǵyndar meditsinalyq mekemege júginý úshin kelesi aptany kútedi. Kóp jaǵdaida kúrt ósim apta basynda tirkeledi. Apta sońynda bul kórsetkish tómendeidi. Eń bastysy apta saiynǵy kórsetkishterdi salystyrý qajet. Qazir biz bul kórsetkishterdiń tómendep jatqanyn kórip otyrmyz», - dep jaýap berdi ministr Ortalyq kommýnikatsiialar qyzmetinde tilshi suraǵyna.
Aita keteiik, ótken táýlikte kornavirýs infektsiiasy belgileri bar pnevmoniianyń 347 oqiǵasy tirkeldi. Bir adam qaitys bolyp, 57 adam jazylyp shyqty.
Al 8 qyrkúiekte kornavirýs infektsiiasy belgileri bar pnevmoniianyń 450 jaǵdaiy tirkelse, 7 qyrkúiekte – 16 jaǵdai anyqtalǵan.
