QR Densaýlyq saqtaý ministri Aleksei Tsoi qaýipsizdik talaptary saqtalmasa, aldaǵy ýaqytta karantindik sharalar engizilýi múmkin ekenin aitty, dep habarlaidy "Ult aqparat".
«Árine, buǵan deiin bolǵan karantinnen sabaq alýymyz kerek. Osy oraida, densaýlyq saqtaý júiesin tiisti daiyndyqtan ótkizdik, iaǵni aýrýhanadaǵy oryndar men dári-dármek, jabdyqtar jáne basqa da qajetti zattar tolyqtyryldy. Eń myńyzdysy – ol ár adam qaýipsizdik erejesi men áleýmettik qashyqtyqty saqtaýy kerek», - dep toqtaldy ministr Ortalyq kommýnikatsiialar qyzmetinde.
Bul rette A.Tsoi turǵyndar qoǵamdyq oryndarda tiisti qaýipsizdik talaptaryn oryndamai jatqanyn atap ótti.
«Quqyq qorǵaý organdary bizdiń aýmaqtyq departamentterimizben birlese osy baǵytta qajetti sharalardy qabyldaýda. Ókinishke qarai, aiyppuldar da salynýda. Ai saiyn aiyppul sany artyp keledi. Bul, óz kezeginde bizde rejimniń oryndalmai turǵanyn baiqatady. Elimizdegi jaǵdai turaqty. Degenmen tiisti talaptardy oryndamasaq, karantin engizilýi múmkin. Atap aitqanda, indetke tosqaýyl qoiý ózimizge bailanysty. Sondyqtan barlyǵyn oryndasaq, karantin engizilmeýi yqtimal. Alaida, ereje saqtalmasa, onda karantindik sharalardy engizýge keńes berýge májbúr bolamyz», - dedi Densaýlyq saqtaý ministri.
