Densaýlyq saqtaý ministri Aleksei Tsoi Qazaqstanda karantin sharalary birden alynyp tastalmaitynyn málim etti, dep habarlaidy "Ult aqparat".
«Jalpy búkil álemde kúzde jáne qysta juqtyrylǵan respiratorly virýsty infektsiia (JRVI), tumaý aýrýlarynyń órship ketetini belgili. Endi olarǵa koronavirýs infektsiiasy da qosylyp otyr. Sol sebepti qazirgi ýaqytta jaǵdaidyń bulaisha órshýine barynsha daiyndalyp jatyrmyz. Tumaýǵa qarsy jyl saiyn júrgiziletin maýsymdyq vaktsinatsiia josparlanǵan. Sonymen qatar Densaýlyq saqtaý ministrligi rezervtegi tósek oryndardy da daiyndap jatyr. PTR-testtar boiynsha qosymsha qor ázirlenýde. Sol sekildi qoimalarda dári-dármek qory da jinalýda», - dedi Aleksei Tsoi OKQ-da ótken baspasóz máslihatynda.
Ministr Qazaqstanda karantin sharalary birden alynyp tastalmaitynyn, kezeń-kezeńimen jeńildetiletinin jetkizdi.
«Eger aýrý taǵy da kúrt ósip ketse, biz qosymsha sharalar engizemiz», - dedi ol.
