Memleket basshysynyń Jarlyǵymen QR Densaýlyq saqtaý ministri qyzmetine Aleksei Tsoi taǵaiyndaldy.
«Aleksei Vladimirovich Tsoi Qazaqstan Respýblikasynyń Densaýlyq saqtaý ministri bolyp taǵaiyndalsyn» delingen Prezident Jarlyǵynyń mátininde.
Aleksei Vladimirovich Tsoi 1977 jyly 2 sáýirde Ońtústik Qazaqstan oblysynda dúniege kelgen. Sells College (London), Qazaqstan memlekettik meditsina akademiiasynyń aspirantýrasyn, Ońtústik Qazaqstan memlekettik meditsina akademiiasyn, «Dáneker» halyqaralyq quqyq jáne halyqaralyq biznes institýtyn, RF Prezidenti janyndaǵy Resei halyq sharýashylyǵy jáne memlekettik qyzmet akademiiasynyń korporativtik basqarý joǵary mektebin támamdaǵan. Stenford ýniversitetinde (AQSh), Singapýrda, Máskeýde, Germaniiada, Ulybritaniiada jáne t. b. elderde taǵylymdamadan ótken. Iskerlik ákimshilik doktory, meditsina ǵylymdarynyń kandidaty.
Hirýrg-endoskopist bolyp jumys istegen, Qalpyna keltirý hirýrgiiasy jáne transplantologiia ortalyǵynyń aǵa ǵylymi qyzmetkeri, Ulttyq ǵylymi meditsina ortalyǵynyń ishki meditsina ortalyǵynyń jetekshi ǵylymi qyzmetkeri, «Eýroaziattyq respiratorlyq qoǵam» qoǵamdyq birlestiginiń bas hatshysy, QR Prezidenti Is basqarmasynyń Zamanaýi meditsinalyq tehnologiialardy engizý ortalyǵynyń direktory, QR Prezidenti Is basqarmasynyń Meditsinalyq ortalyǵynyń basshysy, Astana qalasynyń №1 qalalyq aýrýhanasynyń bas dárigeri, QR densaýlyq saqtaý jáne áleýmettik damý vitse-ministri, QR densaýlyq saqtaý vitse-ministri qyzmetterin atqarǵan.
2019 jylǵy aqpannan bastap Qazaqstan Respýblikasy Prezidenti Is basqarmasynyń Meditsinalyq ortalyǵyn basqardy, 22 maýsymda densaýlyq saqtaý birinshi vitse-ministri bolyp taǵaiyndaldy.
