QR Premer-Ministri Asqar Mamin Densaýlyq saqtaý ministrliginiń ujymyna QR Úkimetiniń qaýlysymen taǵaiyndalǵan densaýlyq saqtaý birinshi vitse-ministri Aleksei Tsoidy tanystyrdy, dep habarlaidy primeminister.kz.
Úkimet basshysy A. Tsoidyń meditsina jáne basqarý salasyndaǵy úlken jumys tájiribesin atap ótti. Ol ministr E. Birtanov emdelip shyqqansha densaýlyq saqtaý ministriniń mindetin atqarady.
A. Mamin koronavirýs pandemiiasymen kúres jaǵdaiynda halyq densaýlyǵyn saqtaý boiynsha densaýlyq saqtaý júiesiniń aldynda turǵan mindetterdi sheshýdiń mańyzdylyǵyn atap ótti.
Aleksei Vladimirovich Tsoi 1977 jyly 2 sáýirde Ońtústik Qazaqstan oblysynda dúniege kelgen. Sells College (London), Qazaqstan memlekettik meditsina akademiiasynyń aspirantýrasyn, Ońtústik Qazaqstan memlekettik meditsina akademiiasyn, «Dáneker» halyqaralyq quqyq jáne halyqaralyq biznes institýtyn, RF Prezidenti janyndaǵy Resei halyq sharýashylyǵy jáne memlekettik qyzmet akademiiasynyń korporativtik basqarý joǵary mektebin támamdaǵan.
Stenford ýniversitetinde (AQSh), Singapýrda, Máskeýde, Germaniiada, Ulybritaniiada jáne t. b. elderde taǵylymdamadan ótken. Iskerlik ákimshilik doktory, meditsina ǵylymdarynyń kandidaty.
Hirýrg-endoskopist bolyp jumys istegen, Qalpyna keltirý hirýrgiiasy jáne transplantologiia ortalyǵynyń aǵa ǵylymi qyzmetkeri, Ulttyq ǵylymi meditsina ortalyǵynyń ishki meditsina ortalyǵynyń jetekshi ǵylymi qyzmetkeri, «Eýroaziattyq respiratorlyq qoǵam» qoǵamdyq birlestiginiń bas hatshysy, QR Prezidenti Is basqarmasynyń Zamanaýi meditsinalyq tehnologiialardy engizý ortalyǵynyń direktory, QR Prezidenti Is basqarmasynyń Meditsinalyq ortalyǵynyń basshysy, Astana qalasynyń №1 qalalyq aýrýhanasynyń bas dárigeri, QR densaýlyq saqtaý jáne áleýmettik damý vitse-ministri, QR densaýlyq saqtaý vitse-ministri qyzmetterin atqarǵan.
2019 jylǵy aqpannan bastap osy ýaqytqa deiin Qazaqstan Respýblikasy Prezidenti Is basqarmasynyń Meditsinalyq ortalyǵyn basqardy.
