Búgin QR Densaýlyq saqtaý ministri Aleksei Tsoi Atyraý oblysyna jumys saparymen kelip, Maqat aýdandyq aýrýhanasynda, Baigetóbe aýylyndaǵy feldsherlik-akýsherlik pýnktinde boldy, dep habarlaidy "Ult aqparat".
Aýdandyq aýrýhana direktory Asýlan Abdrahmanov koronavirýs infektsiiasyna qatysty jaǵdai týraly aityp berdi. Ministrge aýyldyq feldsherlik-akýsherlik pýnktinde jabdyqtar kórsetildi.
«Elimizdiń barlyq aýyldyq meditsina mekemeleri osyndaǵydai jabdyqtarmen qamtylmaǵan. Mundaǵy meditsinalyq jabdyqtardyń basym bóligi halyqaralyq standarttarǵa sáikes keledi. Al jetispeitin jabdyqtar bolsa, óz tarapymyzdan jabdyqtaýǵa kómektesemiz», - dedi Aleksei Tsoi.
Aýyl dárigerlerimen áńgimelesken ministr Qazaqstannyń densaýlyq saqtaý salasyndaǵy jańashyldyqtar týraly aityp berdi. Eń aldymen, el úshin jasalyp jatqan isterge, meditsina qyzmetkerleriniń múddesi men quqyqtaryn qorǵaýǵa, aq halatty jandardyń bedelin arttyrýǵa basa nazar aýdardy.
Densaýlyq saqtaý ministri oblys ortalyǵyndaǵy birneshe meditsinalyq mekemege baratyny josparlanǵan.
