Ashyq júiesiniń kómegimen «qyzyl» jáne «sary» mártebemen 3 256 adam anyqtaldy. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«18 qańtardan bastap kásipkerlik nysandarynyń qyzmeti men epidemiologiialyq ahýal arasyndaǵy teńgerimdi saqtaý maqsatynda Ashyq jobasy ilki rejimde iske qosylyp, 26 sáýirden beri búkil el aýmaǵyna taratyldy. Búginde «Ashyq» júiesi qyzmettiń barlyq salasynda shamamen 6 myń nysandy qamtidy jáne 1 mln 400 myń qoldanýshy tirkelgen. Júie iske qosylǵan sátten bastap «qyzyl» jáne «sary» mártebemen 3 256 kelýshi anyqtaldy. Olardyń ishinde PTR-diń oń nátijesimen 1 867 naýqas jáne 1 389 bailanysta bolǵan adam bar», - dedi ministr.
Sonymen qatar ol Ashyq júiesi 12 mamyrdan bastap Nur-Sultan qalasynyń áýejaiynda iske qosylǵandyǵyn, al 21 mamyrdan Almaty áýejaiynda qoldanylatyndyǵyn atap ótti. Onyń dereginshe, elorda áýejaiynda júieniń kómegimen PTR-diń oń nátijesi bar 37 naýqas jáne bailanysta bolǵan 37 adam anyqtalǵan.
