Reseilik oppozitsioner Aleksei Navalnyidyń elden shyǵýyna tyiym salyndy. Navalnyi Strasbýrgke Eýropadaǵy adam quqyqtary jónindegi sotyna óziniń shaǵymyna qatysty sheshimdi tyńdaýǵa barmaq bolǵan.
Aleksei Navalnyidyń Twitter-degi paraqshasynda jazýynsha, áýejaidaǵy shekara baqylaýynda pasportyn "arnaiy tekserýge" alyp qoiǵanyn aitty.
Keiin oppozitsioner shekarashylar ózine elden shyǵýyna tyiym salatyn "áldebir hat" baryn ǵana aityp, basqa túsinik bermegenin habarlady.
Navalnyidyń sózinshe, Resei quqyq qorǵaý organdary ózin narazylyq aktsiialary kezinde birneshe ret ustaǵan jáne kópshilik qatysqan jiyn ótkizý tártibin buzdy nemese bilik ókilderiniń talabyna baǵynbady degen aiyppen ákimshilik is qozǵaǵan.
Eýropanyń adam quqyqtary jónindegi soty Navalnyidyń bul ýájderine kelisip, Resei biligi onyń beibit jiyn ótkizý quqyǵyn buzdy jáne erkindigin zańsyz shektedi dep tanyǵan. Sot sonymen qatar Resei biligi Navalnyidyń isin ádi qaramady dep tapqan.
2017 jyly aqpanda Eýropanyń adam quqyqtary jónindegi soty Resei Navalnyidy 2012-2014 jyldary beibit mitingilerde politsiia jeti ret ustaǵany úshin 63,7 myń eýro tóleýi tiis degen qaýly shyǵarǵan.
