Eýraziialyq yntymaqtastyq - Nursultan Nazarbaev úshin ómirlik ideia. Bul týraly «Eýraziialyq integratsiia - N.Nazarbaevtyń tarihi bastamasy» taqyrybyndaǵy onlain rejimde ótken telekópir barysynda M.Lomonosov atyndaǵy MMÝ Qazaqstan filialynyń direktory, ekonomika ǵylymdarynyń doktory Aleksandr Sidorovich aitty, dep habarlaidy QazAqparat.
«Nursultan Ábishuly úshin Eýraziialyq integratsiia ideiasy - bul onyń ómirlik ishki ideiasy. Elbasynyń Eýraziia ýniversitetinde Eýraziia ýniversitetteri qaýymdastyǵynyń sezinde sóilegen sózine kýá bolǵanymyz bar. Dál sol oqiǵa barysynda Nursultan Ábishuly 10 minýt boiy zalda tikesinen tik turyp, eýraziialyq birlikke qatysty eń qazynaly oilarymen bólisken edi. Zalda dostastyqtyń barlyq elderinen 100 rektor otyrdy», - dep eske alady Aleksandr Sidorovich.
Onyń atap ótýinshe, sol jolǵy kezdesý belgilengen ýaqyttan da uzaqqa sozylyp ketken.
«Suraqtar talqylanǵan sátte bul kezdesý 30 minýttyń ishinde aiaqtalady dep boljanǵan edi. Alaida Nursultan Ábishuly taǵy da jarty saǵat sóilep, bul yntymaqtastyqtyń damityndyǵyna nyq senimdi ekendigin jan-jaqty túsindirip berdi. QR Tuńǵysh Prezidenti eýraziialyq yntymaqtastyq ideiasyna jan-tánimen berilgen jáne ol tosynnan emes. Bul ideianyń artynda aýqymy úlken protsester, aýqymdy oilar men jańa dúnietanym jatyr»,- dedi ol.
Eýraziia ulttyq ýniversiteti men M.Lomonosov atyndaǵy MMÝ-diń Qazaqstandaǵy filialy birlesip uiymdastyrǵan telekópir barysynda eýraziialyq integratsiianyń tujyrymdamalyq máseleleri, odaq memleketteriniń bilimi men ekonomikalyq ósimi arasyndaǵy ózara bailanys, ǵylym men zamanaýi innovatsiialyq tehnologiialardy damytý, eýraziialyq ekonomika jáne mádeni yntymaqtastyq vektorlary talqylandy.
.jpeg)