Beijińdegi paralimpiada oiyndarynda Aleksandr Gerlits Qazaqstan tarihyndaǵy úshinshi paralimpiada medalin ielengen, dep habarlaidy QazAqparat.
QR Mádeniet jáne sport ministrligi Sport jáne dene shynyqtyrý isteri komitetiniń tóraǵasy Samat Erǵaliev ortalyq kommýnikatsiialar qyzmetinde ótken brifingide osyndai statistika keltirdi.
«Qytai elinde 4-13 naýryz aralyǵynda ótken XIII qysqy Paralimpiada oiyndarynda elimizdiń ulttyq qurama komandasy bir qola medalǵa qol jetkizip, 53 memlekettiń arasynda komandalyq esepte 17-shi orynǵa turaqtady. Oiyndarda 700-den astam sportshy parashańǵy jarysy, parabiatlon, parahokkei, taý shańǵysy, arbadaǵy kerling jáne snoýbord siiaqty sporttyń 6 túrinen 78 medal jiyntyǵyn sarapqa saldy. Onyń ishinde bizdiń sportshylar 12 medal jiyntyǵy boiynsha baq synady», - dedi komitet tóraǵasy.
Aitýynsha, bul jolǵy paralimpiada oiyndarynda el namysyn 5 sportshymyz qorǵaǵan.
Naqtyraq aitsaq, Aleksandr Gerlits (SQO), Erbol Hamitov (SQO), Sergei Ýsoltsev (SQO), Denis Petrenko (Aqmola oblysy) jáne Iýrii Berezin (Qostanai oblysy).
«2022 jylǵy 8 naýryzda Aleksandr Gerlits para biatlonnan 10 shaqyrym qashyqtyqta úzdik úshtikke enip, qola medalge qol jetkizdi. Bul - táýelsizdik alǵan jyldardan bergi Qazaqstan qurama komandasynyń qysqy Paralimpiada oiyndaryndaǵy úshinshi medali», - dedi Samat Erǵaliev.
Komitettiń málimeti boiynsha, Qazaqstan tarihynda qysqy Paralimpiada oiyndarynda bizdiń sportshylar 1 kúmis jáne 1 altyn medal alǵan.
