بەيجٸڭدەگٸ پاراليمپيادا ويىندارىندا الەكساندر گەرليتس قازاقستان تاريحىنداعى ٷشٸنشٸ پاراليمپيادا مەدالٸن يەلەنگەن, دەپ حابارلايدى قازاقپارات.
قر مەدەنيەت جەنە سپورت مينيسترلٸگٸ سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سامات ەرعاليەۆ ورتالىق كوممۋنيكاتسييالار قىزمەتٸندە ٶتكەن بريفينگٸدە وسىنداي ستاتيستيكا كەلتٸردٸ.
«قىتاي ەلٸندە 4-13 ناۋرىز ارالىعىندا ٶتكەن XIII قىسقى پاراليمپيادا ويىندارىندا ەلٸمٸزدٸڭ ۇلتتىق قۇراما كومانداسى بٸر قولا مەدالعا قول جەتكٸزٸپ, 53 مەملەكەتتٸڭ اراسىندا كوماندالىق ەسەپتە 17-شٸ ورىنعا تۇراقتادى. ويىنداردا 700-دەن استام سپورتشى پاراشاڭعى جارىسى, پارابياتلون, پاراحوككەي, تاۋ شاڭعىسى, ارباداعى كەرلينگ جەنە سنوۋبورد سيياقتى سپورتتىڭ 6 تٷرٸنەن 78 مەدال جيىنتىعىن ساراپقا سالدى. ونىڭ ٸشٸندە بٸزدٸڭ سپورتشىلار 12 مەدال جيىنتىعى بويىنشا باق سىنادى», - دەدٸ كوميتەت تٶراعاسى.
ايتۋىنشا, بۇل جولعى پاراليمپيادا ويىندارىندا ەل نامىسىن 5 سپورتشىمىز قورعاعان.
ناقتىراق ايتساق, الەكساندر گەرليتس (سقو), ەربول حاميتوۆ (سقو), سەرگەي ۋسولتسەۆ (سقو), دەنيس پەترەنكو (اقمولا وبلىسى) جەنە يۋريي بەرەزين (قوستاناي وبلىسى).
«2022 جىلعى 8 ناۋرىزدا الەكساندر گەرليتس پارا بياتلوننان 10 شاقىرىم قاشىقتىقتا ٷزدٸك ٷشتٸككە ەنٸپ, قولا مەدالگە قول جەتكٸزدٸ. بۇل - تەۋەلسٸزدٸك العان جىلداردان بەرگٸ قازاقستان قۇراما كومانداسىنىڭ قىسقى پاراليمپيادا ويىندارىنداعى ٷشٸنشٸ مەدالٸ», - دەدٸ سامات ەرعاليەۆ.
كوميتەتتٸڭ مەلٸمەتٸ بويىنشا, قازاقستان تاريحىندا قىسقى پاراليمپيادا ويىندارىندا بٸزدٸڭ سپورتشىلار 1 كٷمٸس جەنە 1 التىن مەدال العان.
