Energetika ministrligi el aýmaǵynda atom elektr stantsiiasyn salý boiynsha Resei Federatsiiasy basshylyǵynyń usynysyna bailanysty ustanymyn bildirdi, dep habarlaidy "Ult aqparat".
«Júrgizilgen baǵalaýǵa sáikes elimizdiń elektr qýatynyń boljamdy balansynda 2030 jylǵa qarai Qazaqstannyń ońtústiginde 2,7 GVt-qa deiin bazalyq qýat tapshylyǵy kútilýde. Osyǵan orai, elimizdiń ońtústiginde bý-gaz, gidro jáne atom stantsiialaryn salý siiaqty ártúrli otyn jáne energiia kózderin paidalana otyryp, bazalyq jáne manevrlik generatsiiany engizý arqyly tapshylyqty jabý múmkindigin qarastyryp otyr», - dep habarlaidy ministrlikten.
Vedomstvonyń habarlamasyna sáikes, salynýy múmkin AES-tiń ekonomikalyq jáne tehnikalyq parametrlerin naqtylaý jáne reaktorlyq tehnologiiany tańdaý úshin Tehnikalyq-ekonomikalyq negizdemeniń Marketingtik bólimi ázirlengen. Onda naryqta bar III+ reaktorlyq tehnologiialardy taldaý, sondai-aq 5 eldiń reaktorlyq tehnologiialardy jetkizýshilerimen, sonyń ishinde Rosatom memlekettik kompaniiasymen, aqparat almasý júrgiziledi.
«Budan basqa, áleýetti investorlar elimizdiń ońtústik óńirlerinde manevrli gaz generatsiiasyn, sondai-aq Ertis ózeninde Shúlbi GES jáne Ile ózeninde Qapshaǵai GES kontrregýliatorlaryn salý máselesin qarastyrýda. Shymkent Jylý elektr ortalyǵy alańynda qýaty shamamen 450 MVt bolatyn jańa bý-gaz elektr stantsiiasyn salý jóninde usynys berildi. Tek múmkindikter jáne usynylatyn jobalar tiianaqty zerttelgen soń ǵana elektr energiiasyn óndirýge Qazaqstan úshin neǵurlym ońtaily jáne qolaily tehnologiialar aiqyndalatyn bolady. Eger qýat tapshylyǵyn joiý maqsatynda AES-ti tańdaǵan jaǵdaida Qazaqstan Respýblikasynyń zańnamasyna sáikes AES salý týraly sheshimdi QR Úkimeti qoǵamdyq tyńdaýlar júrgizip, AES salynatyn aýmaqtardyń jergilikti ókildi organdardyń kelisimi boiynsha qabyldaityn bolady», - delingen habarlamada.
Energetika ministrligi bul rette elimizdiń sharýashylyq mindetterin sheshý muqtajdyǵy, qajetti jaǵdailardyń bolýy jáne qaýipsizdik qateriniń bolmaýy eskeriledi.
«Osylaisha, aldyn ala daýryǵyp, tujyrymdar jasaýǵa jáne negizsiz alańdaýǵa sebep joq ekenin habarlaimyz», - dep habarlaidy ministrlikten.
Esterińizge sala keteiik, QR Prezidenti Qasym-Jomart Toqaevtyń RF-ke resmi sapary barysynda Resei Prezidenti Vladimir Pýtin eki eldiń arasyndaǵy energetikalyq saladaǵy yntymaqtastyqty keńeitýdi jáne Qazaqstanda AES qurylysyn reseilik tehnologiiamen júrgizýdi usyndy.
«Beibit atom salasynda yntymaqtastyq damyp keledi, ýran óndirý men baiytý boiynsha qazaqstandyq-reseilik alty kásiporyn jumys isteýde. Ózara is-qimyldyń jańa formatyna kóshý, osy oraida reseilik tehnologiialarmen AES salý múmkindigin usynamyz», - dedi V. Pýtin.
Aita keteiik, búgin QR Energetika vitse-ministri Maǵzum Myrzaǵaliev Qazaqstanda atom elektr stansasyn salý týraly usynysqa qatysty túsinik bergen bolatyn.
