Foto: Kozachkov offside
Kozachkov offside telegram arnasy Aqmola oblysy Qorǵaljyn aýdanyndaǵy mal urlyǵyna qatysty aqparat jariialady. Onda politsiia qylmystyq isti tirkeýden bas tartqan, al prokýror «azamattyq-quqyqtyq daý» dep sanaǵan. Bul týraly Ult.kz Kozachkov offside -ke silteme jasap habarlaidy.
Telegram arnanyń jazýy boiynsha Qorǵaljyn aýdanynyń politsiiasyna «Aq Qulyn» JShS ótinishpen júgindi. Sharýashylyqtan 486 jylqy men 24 bas iri qara mal urlanǵan. Inventarizatsiia boiynsha shyǵyn 278 570 000 teńgeni qurady. «Aq Qulyn» JShS býhgalterlik eseptiń barlyq erejelerine sai rásimdelgen qujattardy usynǵan. Alaida politsiia rastaýdyń joqtyǵyn aityp, isti tirkeýden bas tartqan. Qorǵaljyn aýdanynyń politsiia bastyǵy Darhan Qýanyshev aryzdanýshylardy aýditorlarǵa jibergen.
"Darhan Ermekulynyń pikirinshe, shyǵyndy tek aýdit arqyly ǵana baǵalaýǵa bolady. Qarapaiym tilmen aitqanda, podpolkovnik zańdyq saýaty tómen, ne bilmeidi, ne inventarizatsiia — zańmen qarastyrylǵan jáne tolyqqandy dálel bola alatynyny týraly bilýge erinedi", - deidi Kozachkov.
"Sodan keiin jaǵdai odan saiyn nasharlai túsedi" dep jazady ol. Aýdan prokýrory Jasulan Kemelbekov bul isti «azamattyq-quqyqtyq daý» dep sanaǵan.
"Qyzyq, mal urlanǵan, qujattar bar, shyǵyn 278 million teńge. Biraq Qorǵaljyn aýdanynyń prokýrory men politsiia bastyǵy aryzdardy qabyldaýdan bas tartyp otyr.
Basqasha aitqanda, laýazymdy tulǵalar ózderiniń kásibi biliksizdigin kórsetip otyr. Álde qylmystyq isti tirkeýden bas tartý arqyly prokýror Kemelbekov pen politsiia bastyǵy Qýanyshev qylmysty jasyryp otyr ma? Eger men jaǵdaidy durys túsinbei jatsam — túzetińizder", - deidi ol.
"Tabyn jylqy men siyrdy urlaý ońai emes. Bul asa iri kólemdegi shyǵyn" degen Mihail Kozachkov, "eger Qorǵaljyn aýdanynda politseiler men prokýrorlar ne isteý kerektigin bilmese, men aityp bereiin" dep kúiindi.
"Aryzdy qabyldaisyń, onda urlyq faktisi, shyǵyn somasy jáne dálel qujattar bar. Ony ERDR-ge tirkeisiń. Odan keiin — sotqa deiingi tergeý: jaýap alýlar, qajet bolsa saraptamalar, kúdiktilerdi anyqtaý. Logika boiynsha tabynshydan jaýap alý kerek. Odan keiin — prokýrordyń jumysy. Qiyn eshteńesi joq. Qadaǵalaýshy organ politsiianyń jumysyn baqylaýy tiis", - deidi ol.
Jáne mynany Kozachkov aidan anyq nárse dep esepteidi:
"Jasulan Burhanbaiuly, prokýror retinde eńbek qatynasyn qylmystyq ispen shatastyrýǵa bolmaidy.
Aqmola oblysynyń prokýrory Rýfat Kýttýkovqa jáne PD bastyǵy Nursultan Muqashevqa suraý joldaimyn. Bálkim, olardyń qol astyndaǵylar joǵarydan buiryq kútip otyrǵan bolar. Álde aryzdanýshylardan alǵys kútip otyr ma?" -delingen telegram arnada.
