Foto: Mádeniet jáne aqparat ministrligi
Qazaq kinosynyń jaryq juldyzy Sháken Aimanovtyń 110 jyldyq mereitoiyna orai XVII Halyqaralyq «Eýraziia» kinofestivaliniń aiasynda rejisserdiń 1964 jyly túsirilgen «Aldar kóse» filminiń restavratsiialanǵan nusqasy kórsetiledi, dep habarlaidy Ult.kz.
Festivaldiń baǵdarlamalyq direktory Diana Áshimova kartinanyń restavratsiialanǵan nusqasyn kórermen nazaryna usyný arqyly qazaq kinematografiiasynyń bailyǵyn jańa sapada kórsetýdi maqsat etkenin jetkizdi.
Sháken Aimanov atyndaǵy «Qazaqfilm» kinostýdiiasy prezidentiniń mindetin atqarýshy, festival direktory Aidar Omarov qazaq kinosynyń bailyǵyn álemge tanytýdy kózdep otyrǵanyn aitty.
«Bul jyl biz úshin erekshe mańyzǵa ie. «Eýraziia» kinofestivali uzaq úzilisten keiin qaita jandanyp, jańa beleske qadam basyp otyr. Sonymen qatar, biz biyl Sháken Aimanovtyń mádeni murasyn dáriptep, qazaq kinosynyń bailyǵyn álemge tanytýdy kózdeimiz. Onyń filmderi kóptegen býyndarǵa shabyt berdi. «Qazaqfilm» kinostýdiiasynyń qaita jańǵyrýy da osyny aiqyndai túsedi», – dedi Aidar Omarov.
Aita keteiik, biyl «Eýraziia» kinofestivali qazylar alqasynyń 70%-yn sheteldik mamandar quraityn bolady.
