"Aldanyp qalmańyzdar": Tursynbek Qabatov elge mańyzdy aqparatty habarlady

Foto: ashyq derekkóz

Áleýmettik jelide ázilkesh Tursynbek Qabatovtyń halyqty alaiaqtardan saqtanýǵa shaqyrǵan videosy taralyp jatyr, dep habarlaidy Ult.kz.

Ol azamattardy, ásirese qarttardy, internet pen telefon arqyly áreket etetin alaiaqtardan saq bolýǵa shaqyrdy.

"Qurmetti dostar, jerlester! Batys Qazaqstan oblysynda, ásirese Oral qalasynda alaiaqtar kóbeiip ketipti. Ásirese ata-ájeler men aǵa-jeńgelerge aitarym – óte saq bolyńyzdar. Banktenmin dep habarlasyp, "qujatyńyzdy jiberińiz", "sizge SMS keledi, sony maǵan aityńyz" dep aldaidy eken. "Shotyńyzdy buzaiyn dep jatyr", "sizdiń atyńyzdan kredit alyp jatyr" dep sendiredi. Tipti politsiiadanbyz dep habarlasyp, "ulyńyz bizde otyr, tártip buzdy" dep aqsha suraityndar bar", – dedi Tursynbek Qabatov.

Onyń aitýynsha, alaiaqtar qońyraý kezinde banktiń nemese politsiianyń shýy siiaqty jasandy dybystardy qosyp, adamdardyń senimine kiredi.

"Ondai adamdar óte ailaker keledi. Sondyqtan da eshkimge jeke derekterińizdi, bank kartasynyń nómirin, qupiia kodyn bermeńizder. Shyn máninde bank te, politsiia da telefon arqyly aqsha suramaidy. Saq bolyńyzdar, aldanyp qalmańyzdar!" – dep eskertti ázilkesh.