2021 jyly 86 mln tonna munai óndiriletin bolady. Bul týraly Parlament Májilisiniń jalpy otyrysynda Ulttyq ekonomika ministri Rýslan Dálenov 2021-2025 jyldarǵa arnalǵan áleýmettik-ekonomikalyq damý boljamyn baiandaý kezinde aitty, dep habarlaidy "Ult aqparat".
«2021 jyly munai óndirý 86 mln tonnadan 2025 jyly 100,7 mln tonnaǵa deiin ósedi. Barlyq bazalyq salalarda oń ósý kútilýde. Óńdeý ónerkásibi jylyna orta eseppen 6,7 paiyzǵa kóterilip, ken óndirý ónerkásibine qaraǵanda 2,9 paiyz ozyq qarqynmen ósetin bolady. Ortasha jyldyq ósý qarqyny aýyl sharýashylyǵynda - 6,2%, saýdada - 5,5% quraidy», - dedi R. Dálenov.
Onyń sózine qaraǵanda, taýarlar eksporty 2021 jyly 41,4 mlrd dollardy qurap, 2025 jyly 51,5 mlrd dollarǵa deiin ulǵaiýy kútilýde. Import 2021 jylǵy 36,3 mlrd dollardan 2025 jyly 37,8 mlrd dollarǵa deiin ósedi.
