Sinoptikter demalys kúnderine, iaǵni 9, 10 jáne 11 sáýirge arnalǵan aýa raiy boljamyn usyndy, - dep habarlaidy "Ult aqparat".
Boljamǵa sáikes, aldaǵy úsh táýlikte, Qazaqstan aýmaǵynyń basym bóliginde ońtústik tsiklon jáne atmosferalyq frontal bólikter áserinen, turaqsyz aýa raiy saqtalady - jańbyr jaýady, respýblikanyń soltústik-batysynda túngi ýaqytta qar men jańbyr kútiledi.
"Ońtústik jáne ońtústik-shyǵys aimaqtarda, keide naizaǵai men qatty jańbyr jaýady. Qazaqstannyń soltústik, shyǵys aýdandaryna soltústik-batys antitsiklon jotasy áser etedi. Osyǵan bailanysty munda jaýyn-shashynsyz aýa raiy jáne temperatýranyń birtindep joǵarylaýy kútiledi. Respýblika boiynsha tuman, jeldiń kúsheiýi baiqalady", - delingen habarlamada.
