"Qazgidromet" RMK sinoptikteri 29-31 naýryzdaǵy aýa raiy boljamyn usyndy, - dep habarlaidy "Ult aqparat".
Boljam boiynsha, naýryzdyń sońǵy kúnderinde soltústik-batys tsiklon áserinen aýa raiy turaqsyz bolady. Osylaisha, respýblikanyń barlyq aýmaǵynda jaýyn-shashyn jaýady: 29 naýryzda soltústikte, soltústik-batysta, ortalyqta, ońtústik pen ońtústik-shyǵystyń taýly aýdandarynda. Al 30 naýryzda tek eldiń shyǵysynda ǵana jaýyn-shashyn (jańbyr, qar) bolady.
"Respýblika boiynsha tuman, kóktaiǵaq boljanady, jel 15-28 m/s deiin kúsheiedi, soltústik pen ońtústikte jeldiń ekpini tipten 30 m/s deiin jáne odan da kóp bolmaq, soltústikte, shyǵysta, eldiń ortalyǵynda burqasyn baiqalady. Aýa temperatýrasy birtindep kóteriledi dep kútiledi: túnde respýblikanyń soltústik jartysynda 6 gradýs aiaz...2 gradýs jyly, ońtústik jartysynda aýa temperatýrasy 5 gradýs aiaz...5 gradýs jylyǵa deiin aýytqidy, kúndiz batysynda, ońtústik batysynda jáne ońtústiginde aýa temperatýrasy 10...20 gradýsqa deiin, soltústiginde 2...8 gradýsqa deiin kóterilýi, shyǵysy men ortalyǵynda 3...11 gradýsqa deiin kútiledi", - delingen habarlamada.
