Qazgidromet 1, 2 jáne 3 naýryzǵa arnalǵan aýa raiy boljamyn jariialady, - dep habarlaidy "Ult aqparat".
Sinoptikterdiń málimetinshe, kóktemniń alǵashqy kúnderinde Qazaqstan aýmaǵynda turaqsyz aýa raiy bolady. Frontaldy aýa bólikteriniń ótýine bailanysty soltústik jartysynda qar túrinde jaýyn-shashyn, boran bolyp, jel kúsheiip, ońtústiginde naizaǵai oinap, jańbyr jaýady. Sondai-aq, el aýmaǵynda tuman túsip, kóktaiǵaq bolady.
"Aýa temperatýrasy tómendeidi: batysta túnde 2...10 gradýs aiazǵa deiin, kúndiz 2...15 gradýsqa deiin jyly; respýblikanyń soltústiginde, shyǵysynda jáne ortalyǵynda túnde termometr baǵandary 15...20 gradýsqa deiin tómendeidi, kúndiz 0...10 gradýs aiaz; eldiń ońtústik jáne ońtústik-shyǵys jartysynda túnde 0...8 gradýs aiaz, kúndiz 5...15 gradýs jyly bolady", - delingen habarlamada.
