Sinoptikter 24-26 jeltoqsan aralyǵyna arnalǵan aýa raiy boljamyn jariialady, dep habarlaidy "Ult aqparat" «Qazgidromet» RMK baspasóz qyzmetine silteme jasap.
22 jeltoqsan - qysqy kún toqyraýy men astronomiialyq qystyń basy. Kúntizbelik jáne meteorologiialyq qystyń naǵyz qyzǵan kezi.
Qazaqstan arqyly belsendi atmosferalyq fronttar jáne antitsiklondar birinen keiin biri jyljidy. Osyǵan bailanysty respýblikanyń basym oblystarynda aldaǵy táýlikterde qar jaýyp, burqasyn kóteriledi. Kei jerlerde ekpindi jel soǵady.
Al sýyq fronttyń artynan respýblikaǵa antitsiklon yǵysyp, jaýyn-shashyn toqtaidy. Aýa temperatýrasy tómendeidi.
