Májilis pen máslihattar depýtattaryn sailaýda partiialar emes qazaq tili jeńiske jetýi tiis. Bul týraly «Qazaq ádebieti» gazetiniń bas redaktory Dáýren Qýat aitty, dep habarlaidy QazAqparat.
«Álemde bizden basqa elde memlekettik til nemese til týraly másele joq. 175 elde resmi til moiyndalady eken. «Resmi til» dep jergilikti til aitylady. Al tabiǵaty, tarihy boiynsha orys tili - resmi til emes. Basqa elder óziniń quramyndaǵy elderdiń tilderi joiylyp ketpes úshin qamqorlyq jasaidy. Solarǵa zańmen kómek kórsetedi. Al biz áli kúnde ózimizdiń tilimizdi osyndai resmi jiyndarda moiyndata almai kelemiz. Tipti, ózgege emes ózimizge ózimiz moiyndata almai otyrmyz. Muny toqtatý kerek», - dedi ol «Aýyl» halyqtyq-demokratiialyq patriottyq partiiasynyń kezekten tys XVIII sezinde.
Sonymen qatar ol aldaǵy Májilis pen máslihattar depýtattaryn sailaýda qazaq tili jeńiske jetýi tiistigin basa aitty.
«Sailaýǵa barlyq partiia atsalysyp jatyr. Bári jeńiske jetkisi keledi. Menińshe, bul sailaýda qazaq tili jeńiske jetýi kerek. Zań shyǵarýshy organǵa qazaq tili barýy tiis», - dedi Dáýren Qýat.
