Foto: sdvoryanchikov.livejournal.com
Sinoptikter 19-21 qyrkúiekte aýa raiy qandai bolatynyn boljady, - dep habarlaidy "Ult aqparat".
Meteorologtar málimetinshe, aldaǵy kúnderi respýblikanyń basym bóliginde aýa raiynyń turaqsyz sipaty saqtalady. Naizaǵai oinap, ekpindi jel soǵyp, burshaq aralas jańbyr jaýady, eldiń ońtústik-shyǵysyndaǵy taýly aýdandarda qar aralas jaýyn-shashyn bolady dep boljanady.
20-21 qyrkúiekte batys antitsiklon sileminiń arqasynda Qazaqstannyń batysy men soltústik-batysynda aýa raiy jaýyn-shashynsyz, ashyq bolady. Eldiń batysynda, soltústiginde jáne ortalyǵynda túnde jáne tańerteń tuman bolýy múmkin.
"Respýblikanyń batys oblystarynda aýa temperatýrasy túnde 5-18, kúndiz 18-28-den 20-31-ge deiin kóterilip, eldiń soltústik-batysynda, soltústiginde túnde 3-11-ge deiin tómendep, topyraq betinde 1 gradýs aiaz, kúndiz 13-25-ke deiin jylyp, ortalyqta túnde 2-10-ǵa deiin tómendep, kúndiz negizgi fon 13-21-ge deiin jyly, shyǵysta túnde negizgi fon 3-11-ge deiin, kúndiz 10-18-ge deiin, ońtústikte, ońtústik-shyǵysta túnde 8-13-ke deiin, taýly aýdandarda 2 aiaz-3-ke deiin, kúndiz 15-25-ke deiin, taýly aýdandarda 5-10-ǵa deiin tómendeidi", - delingen habarlamada.
