foto: Elena Iakovleva/RIA Verhnevolje
Sinoptikter 7-9 naýryzǵa arnalǵan aýa raiy boljamyn usyndy, - dep habarlaidy "Ult aqparat" "Qazgidromet" RMK baspasóz qyzmetine silteme jasap.
Boljam boiynsha, Qazaqstan aýmaǵy boiynsha Atlantikalyq tsiklon batystan shyǵysqa qarai jyljidy. Aýa raiynyń turaqsyz sipaty qar men jańbyr túrindegi jaýyn-shashyn, ekpindi jel jáne kóktaiǵaq qubylystary baiqalyp, respýblikanyń ońtústiginde jańbyr bolady. Barlyq kezeń aralyǵynda shyǵysta, 7 naýryzda soltústik-batysta, soltústikte, ortalyqta, 8 naýryzda ońtústikte, 8-9 naýryzda respýblikanyń ońtústik-shyǵysynda jaýyn-shashyn (jańbyr, qar) kútiledi.
"Tek 8-9 naýryzda batysta, 9 naýryzda eldiń ortalyǵynda jaýyn-shashyn toqtaidy dep boljanǵan. Sondai-aq Respýblika boiynsha tuman kútiledi. Kezeń aiaǵynda elimizdiń soltústik, ortalyq, shyǵys óńirlerinde túngi ýaqytta temperatýra fony 7-17 gradýs aiazǵa deiin, ońtústik óńirlerde túnde 5 gradýs aiaz - 5 gradýs jyly, kúndiz 5-12 gradýs jylyǵa deiin tómendeidi dep kútiledi", - delingen habarlamada.
