Foto: pixabay
Qazgidromet 9-11 aqpanǵa arnalǵan aýa raiy boljamyn usyndy, - dep habarlaidy "Ult aqparat".
Sinoptikter málimetinshe, Qazaqstannyń basym bóliginde - ońtústik jáne shyǵys oblystarda "Ońtústik" tsiklonynyń áserinen aýa raiynyń turaqsyz sipaty saqtalady. Respýblikanyń ońtústigi men ońtústik-shyǵysynda 9 aqpanda qatty jaýyn-shashyn, 10 aqpanda qalyń qar, kóktaiǵaq kútiledi.
"Respýblika boiynsha tuman, burqasyn, jeldiń kúsheiýi kútiledi. 11 aqpanǵa jaqyn batys antitsiklonynyń ekpini ońtústik jáne ońtústik-shyǵys oblystarǵa aýysyp, jaýyn-shashyn birte-birte toqtaidy. Túngi temperatýranyń 8-21 aiazǵa deiin tómendeýi kútiledi", - delingen habarlamada.
