Qazgidromet sinoptikteri 12-14 sáýirge arnalǵan aýa raiy boljamyn usyndy, - dep habarlaidy "Ult aqparat".
Boljamǵa sáikes, atmosferalyq frontal bólikter áserinen, Qazaqstan aýmaǵynyń basym bóliginde turaqsyz aýa raiy kútiledi. Jańbyr jaýady, eldiń ońtústiginde naizaǵai, ekpindi jel, nóser bolady dep boljanǵan.
"Respýblikanyń soltústik-shyǵysynda ǵana jaýyn-shashynsyz aýa raiy saqtalady. Elde tuman, batysta jáne ońtústikte qumdy daýyl bolady. Kúndiz Qazaqstannyń batysynda aýa temperatýrasy 10-18-den 18-26 gradýsqa deiin, soltústik, shyǵys jáne ortalyq óńirlerde 10-17-den 15-26 gradýsqa deiin, al respýblikanyń ońtústik jartysynda termometr baǵany 22-32 gradýsqa deiin kóteriledi", - delingen habarlamada.
