Sinoptikter aldaǵy 22-24 qarasha kúnderine arnalǵan aýa raiy boljamyn jariia etti, dep habarlaidy "Ult aqparat" Qazgidrometke silteme jasap.
«Bul kúnderi Qazaqstannyń soltústik, ortalyq, shyǵys jáne batys oblystarynda qar jaýyp, qatty jel soǵady, kóktaiǵaq kútiledi. Mundai kúrdeli meteorologiialyq jaǵdai Batys Sibirdegi belsendi tsiklonmen bailanysty atmosferalyq aǵyndardyń ótýi kezinde baiqalady», - delingen «Qazgidromet» habarlamasynda.
Respýblikanyń ońtústik jáne ońtústik-shyǵys oblystarynda jaýyn-shashyn kútiledi. Munda ońtústik tsiklonnyń yqpalymen jaýyn-shashyn, jańbyr, qar aralas jańbyr kútiledi, al 24 qarashada taýly aimaqtarda qar jaýyp, tuman túsedi. Kóktaiǵaq bolýy yqtimal jáne batystan kúshti, ekpindi jel soǵady.
