Sinoptikter 21-23 shilde kúnderiniń aýa raiy boljamyn usyndy, dep habarlaidy «Qazgidromet» RMK.
«Qazaqstannyń soltústik-shyǵys jáne shyǵys oblystaryna joǵarǵy tsiklon jyljyp, osy aimaqtarda jeksenbi jáne dúisenbi kúnderi jańbyr jaýyp, kei jerlerge burshaq túsedi. Kúshti jel soǵyp, aýa temperatýrasy tómendeidi», - delingen habarlamada.
Osy tsiklon respýblikanyń soltústik, ortalyq, ońtústik jáne ońtústik-shyǵys oblystaryndaǵy aýa raiyna yqpal etedi.
«Munda kei jerlerde naizaǵai oinap, burshaq túsedi. Ótkinshi jańbyr jaýyp, jyldamdyǵy 15...23 m/s bolatyn jel soǵýy múmkin. Aýa temperatýrasy soltústikte jáne ortalyqta ádettegiden 2...3 gradýsqa tómen bolady. Sondai-aq, respýblikanyń ońtústik-shyǵys jáne batys bóliginde aptap ystyq basylady», - delingen habarlamada.
