Qazaqstandyq ekonomist Qýanysh Jaiyqov sailaýdan keiingi el ekonomikasynyń damý baǵyttaryna qatysty pikir bildirdi. Onyń aitýynsha, aldaǵy 7 jylda jeke sektordy jáne zańsyz básekelestikpen kúresti kúsheitý qajet. Bundai pikirdi ol Jibek Joly telearnasynda ótken sailaý taqyrybyna arnalǵan tok-shoýda aitty, dep habarlaidy QazAqparat.
«Meniń oiymsha, ekonomikalyq saiasat piramida sekildi. Onyń ishinde mańyzdy emes salalar da bar. Mysaly, salyq, biýdjet saiasaty degen siiaqty. 2012 jyly biz álemdegi 30 damyǵan eldiń qataryna qosylamyz dep jariialadyq. Ol úshin memlekettik korporatsiia quryp, basym sektorlardy belgilep, ulttyq ekonomikany ártaraptandyrý mindeti qoiyldy. Degenmen ýaqyt óte kele ol kezdegi aitylǵan dúnieler qazir 180 gradýsqa ózgerdi. Qazir ekonomika boiynsha kóshbasshy – jeke sektor. Sondyqtan da jeke sektorlardyń quqyǵyn qorǵaý mańyzdy. Ekinshi mańyzdy dúnie - básekeni ilgeriletý. Prezident aitqandai, ekonomika monopoliialarǵa áli de toly», - dedi Qýanysh Jaiyqov Jibek Joly telearnasynda ótken sailaý taqyrybyna arnalǵan tok-shoýda.
Onyń aitýynsha, ádeletsiz monopoliia baǵanyń ósýi men jumyssyzdyqqa alyp keledi.
«Sondyqtan da aldaǵy 7 jylda ekonomikanyń basty bazalary jeke sektor men zańsyz básekelestikpen kúresti kúsheitý qajet. Qańtar oqiǵasynan keiin Úkimettiń jospary ózgerdi. Úkimet janynan arnaiy komitet qurylyp buryn urlanǵan kapitaldar elge qaitarylyp jatyr», - deidi ol.
