Qazaqstan álemniń 12 elimen arhiv málimetterin almasý týraly kelisimge qol jetkizdi. Bul týraly Elbasynyń «Uly dalanyń jeti qyry» atty maqalasyna orai pikir bildirgen QR Ulttyq arhiviniń direktory Jangeldi Maqashev aitty, dep habarlaidy QazAqparat tilshisi.
«Sheteldik arhivterdegi Qazaqstanǵa qatysty materialdardy elge jetkizýimiz qajet. Degenmen, bul jumys bastalyp ta ketken bolatyn. 2007 jyly «Mádeni mura» baǵdarlamasy aiasynda alys jáne shaqyn shet elderden qazaq tarihyna qatysty biraz málimet jetkizilgen-di. Onyń ishinde Túrkiiadan 16 ǵasyrdaǵy Qaiyp han men Osman iperiiasynyń sultany III Ahmet arasyndaǵy qarym-qatynastarǵa qatysty qujattar alyndy. Reseiden, Ózbekstannan, Mysyrdan jáne taǵy da basqa elderden kóptengen qujattar ákelindi», - dedi ol.
Jangeldi Maqashevtiń sózine qaraǵanda, búginde Qazaqstan 12 elmen arhiv qujattaryn almasý týraly kelisimge qol jetkizgen jáne Ulttyq arhiv bul baǵytta jan-jaqty jumys júrgizip jatyr.
«Elbasynyń «Uly dalanyń jeti qyry» atty maqalasynan keiin eń aldymen ózimizdegi, sheteldegi qazaqqa qatysty derekterdi jinaqtaýǵa kirisýimiz qajet. Odan keiin arnaiy top quryp, sol materialdardy zerdeleýimiz, tsifrlyq farmatqa kóshirýimiz kerek. Azamattarymyz úiinde otyryp-aq ózine qajetti málimetterdi ala alýy tiis. Aldaǵy 7 jyldyń ishinde barlyq arhivterdi tsifrlyq formatqa kóshirip, ortalyqtandyratyn bolamyz», - dedi Ulttyq arhiv basshysy.
.jpeg)