Pavlodar oblysy Qazaqstannyń energetika júiesindegi mańyzdy óńir bolyp tabylady, elektr energiiasyn óndirý úlesiniń 40%-y osy qalaǵa tiesili.
QR Energetika ministri Pavlodar oblysynyń elektr stantsiialaryn aralaý barysynda keńes ótkizdi, onda stantsiialardyń jóndeý naýqandaryn oryndaý, Qazaqstan Respýblikasynyń 2035 jylǵa deiingi energetikalyq teńgerimin ázirleý jáne Batys Qazaqstannyń qalalary men aýdandaryn eldiń birtutas energiia júiesine qosý týraly máseleler talqylandy.
Buǵan qosa, Ministr Ekibastuz GRES-1-de birinshi energiia blogyn qalpyna keltirý jáne Ekibastuz GRES-2-de úshinshi energiia blogyn salý jáne Pavlodar oblysynyń stantsiialarynda jóndeý jumystaryn júrgizý jobalaryn iske asyrý barysymen tanysty.
Ekibastuz GRES-1 energiia blogyn, sondai-aq Aqsý GRES-indegi týrboagregat pen qazandyq agregatty jóndeý júzege asyrylǵannan keiin jelige qosý boiynsha daiyndyq jumystary aiaqtalýda. Ulttyq elektr jelisine engiziletin jiyntyq qýat 650 MVt quraidy. Qarasha aiynyń sońyna qarai Ekibastuz GRES-2-degi energiia blogyn jóndeý aiaqtalady dep kútilýde, bul eldiń energiia júiesine taǵy 500 MVt qosady.
Ministr bul jumystardy 10 kún ishinde aiaqtap, energobloktardy iske qosýdy tapsyrdy. Osylaisha, eldiń energiia júiesi taǵy da 1150 MVt elektr energiiasyna ulǵaiatyn bolady.
Keńes qorytyndysy boiynsha Ministr birqatar tapsyrmalar berdi.
Energiia óndirýshi uiymdarǵa:
- jóndeýdegi jabdyqtardy ýaqtyly engizý boiynsha barlyq qajetti sharalardy qabyldaý tapsyryldy. Bul rette jóndeý sapasynyń tómendeýine jol bermeý kerek;
- 2022 jyly generatsiialaityn jabdyqty jospardan tys ajyratý táýekelin boldyrmaý úshin jazǵy jóndeý naýqanyn júzege asyrýdy josparlaý boiynsha máseleni Júielik operatormen pysyqtaýdy bastaý tapsyryldy.
Júielik operatorǵa («KEGOC» AQ) boljamdy teńgerimdi ázirleýshilermen birlesip, Qazaqstan Respýblikasynyń 2035 jylǵa deiingi energetikalyq teńgeriminiń qorytyndy nusqasyn 15 qarashadan keshiktirmei Energetika ministrligine engizý jóninde tapsyrma berildi.
