foto: Polisia.kz
Alaiaqtyq boiynsha halyqaralyq izdeýde júrgen reseilik Almatyda ustaldy, dep habarlaidy Ishki ister ministrliginiń resmi internet-resýrsy.
"Almaty qalasy politsiia departamentiniń ekstremizmge qarsy is-qimyl basqarmasynyń qyzmetkerleri halyqaralyq izdeýde júrgen Resei Federatsiiasynyń azamatyn ustady. Izdeýdi Resei Federatsiiasynyń Krasnodar ólkesi boiynsha Federaldy qaýipsizdik qyzmeti basqarmasy bastady", - delingen habarlamada.
Ustalǵan adam uiymdasqan qylmystyq toptyń quramynda asa iri mólsherde alaiaqtyq jasady dep kúdikteletini habarlandy. Qolda bar málimetterge sáikes, memleketke keltirilgen zalal mólsheri 23 million rýblden asady.
"Jedel-izdestirý is-sharalary barysynda izdestirilip jatqan adamnyń yqtimal ornalasqan jeri týraly aqparat alyndy. Almaty politsiia bólimsheleriniń úilesimdi jumysynyń nátijesinde ol ustaldy. Qazirgi ýaqytta ol ýaqytsha ustaý izoliatoryna ornalastyryldy jáne oǵan qatysty ekstraditsiialaý rásimi bastaldy", - dedi Almaty qalasy PD ekstremizmge qarsy is-qimyl basqarmasynyń bastyǵy Ashat Dáýletiiarov.
