Telegram messendjerinde shyǵys nómirlerdi aýystyryp, daýysty ózgertýge múmkindik beretin bot paida bolǵan. Bul týraly jýrnalisterge «SerchInform» aqparattyq qyzmet bóliminiń basshysy Aleksei Drozd málimdedi, dep habarlaidy TASS agenttigi.
«Telegram-da telefon nómirin aýystyryp shalýǵa múmkindik beretin bot paida boldy. Botqa nómirdi aýystyryp telefon shalý komandasyn jiberip, odan keiin telefon shalynýy kerek nómir jáne qońyraý shalynǵanda kórinetin nómir engiziledi», - dedi ol.
Telefon shalý úshin paidalanýshyǵa Telegram-nan shyǵý mindetti emes ekeni aitylady. Sarapshy nómirdi aýystyryp qońyraý shalýdyń basqa qyzmetterine kirý sonshalyqty ońai emes ekenin túsindirdi. Ádette olai qońyraý shalý úshin arnaiy baǵdarlama ornatylady, virtýaldy avtomattandyrylǵan telefon stansasy ashylady, olar ózara biriktirilip, SIP-telefoniia qyzmetine qosylady», - dep baiandady sarapshy.
«Bul Telegram-bot aqyly, alaiaq onda óziniń telefon nómirin qaldyrýy tiis, sondyqtan servis úshin jasalatyn tólemniń qaskúnemder úshin jasyrynýǵa qanshalyqty múmkindik beredi degen suraq týyndaidy. Bul bottyń, mysaly, qandai da bir banktiń telefon alaiaqtaryn ustaý úshin qurǵan servis ekenine sengimiz keledi», - dep qosty ol.
