QR Ishki ister ministrliginiń resmi ókili Nurdildá Oraz qylmystardyń jalpy kórsetkishinde 10 paiyzdan astamy alaiaqtyqqa tiesili ekenin aitty, dep habarlaidy QazAqparat.
«Qylmystardyń jalpy aýqymynda 10 paiyzdan astamy alaiaqtyqqa tiesili. Internet tehnologiialardyń damýy arqyly azamattardy aldaý tásilderi men oqiǵalary artyp keledi. Ótken jyly ishki ister organdary internet alaiaqtyq týraly 14 myńnan astam isti tirkedi. Onyń ishinde 5,5 myńy jarnama boiynsha is júzinde bolmaǵan taýar nemese qyzmet úshin tolyq ári ishinara tólem jasaý faktisine qatysty qozǵaldy. Bul jarnamalardy alaiaqtar saýda internet alańdarynda jáne saittarda ornalastarǵan», - dedi resmi ókil onlain rejimdegi brifingide.
Onyń aitýynsha, 3 myń alaiaqtyq azamattardyń jeke málimetterin alýǵa bailanysty bolyp otyr. Bul qylmystar onlain nesie rásimdeý maqsatynda jasalady.
Sonymen qatar, 2 myńnan astam alaiaqtyq azamattardyń jeke málimetterin ári karta shottary rekvizitterin iemdený jolymen mobildi banking arqyly aqsha jymqyrýǵa qatysty.
