Foto: Polisia.kz
Alaiaqqa sengen aqtóbelik turǵyn bankterge 4 mln teńge qaryz bolyp qaldy, – dep habarlaidy "Ult aqparat" Polisia.kz saityna silteme jasap.
Alaiaqtar jábirlenýshilerge qońyraý shalyp, ózderin bankterdiń qaýipsizdik qyzmetiniń qyzmetkerleri retinde tanystyra otyryp, alaiaqtyqqa qarsy jumystar júrgizip jatqanyn, jábirlenýshilerdiń shottarynan kúdikti tranzaktsiialar júrgizilip jatqanyn túsindiredi. Jábirlenýshilerden aqshasyn qorǵaý maqsatynda telefonyna Rustdesk qosymshasyn júktep alýdy suraidy.
Negizinde, bul qosymsha smartfonǵa jáne jábirlenýshiniń mobildi banking qosymshasyna tolyq qol jetkizýge múmkindik beredi. Banking qosymshasyna qol jetkize otyryp, alaiaqtar jeke shottarǵa zańsyz tranzaktsiialar jasaǵan.
RustDesk qosymshasy - tanymal Anydesk qosymshasynyń balama túri. Internet-alaiaqtyq pen kiberqylmystyń aldyn alý boiynsha júrgizilip jatqan profilaktikalyq is-sharalarǵa qaramastan, alaiaqtyq sany azaimai otyr. Aǵymdaǵy jyldyń basynan beri oblys aýmaǵynda atalǵan baǵdarlamany paidalana otyryp jasalǵan internet-alaiaqtyqtyń 3 faktisi tirkelgen.
Mysaly, 44 jastaǵy jergilikti turǵyn qalalyq politsiia bólimine habarlasyp, belgisiz bireýdiń telefonyna qońyraý shalǵanyn jáne ózin bankter qaýymdastyǵynyń qaýipsizdik qyzmetkeri retinde tanystyryp, onyń banktik shoty boiynsha kúdikti operatsiialar týraly habarlaǵanyn aitqan. Jábirlenýshiniń saýalnamalyq derekterin naqtylai kele, alaiaqtar Rustdesk qosymshasyn júktep alýdy surap, onyń kómegimen jábirlenýshige túrli bankte jalpy somasy 4 mln teńgege kreditter resimdegen.
