الاياققا سەنگەن اقتٶبەلٸك تۇرعىن بانكتەرگە 4 ملن تەڭگە قارىز بولىپ قالدى

فوتو: Polisia.kz

الاياققا سەنگەن اقتٶبەلٸك تۇرعىن بانكتەرگە 4 ملن تەڭگە قارىز بولىپ قالدى, – دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.

الاياقتار  جەبٸرلەنۋشٸلەرگە قوڭىراۋ شالىپ, ٶزدەرٸن بانكتەردٸڭ قاۋٸپسٸزدٸك قىزمەتٸنٸڭ قىزمەتكەرلەرٸ رەتٸندە تانىستىرا وتىرىپ, الاياقتىققا قارسى جۇمىستار جٷرگٸزٸپ جاتقانىن, جەبٸرلەنۋشٸلەردٸڭ شوتتارىنان كٷدٸكتٸ ترانزاكتسييالار جٷرگٸزٸلٸپ جاتقانىن تٷسٸندٸرەدٸ. جەبٸرلەنۋشٸلەردەن اقشاسىن قورعاۋ ماقساتىندا تەلەفونىنا Rustdesk قوسىمشاسىن جٷكتەپ الۋدى سۇرايدى.  

نەگٸزٸندە, بۇل قوسىمشا سمارتفونعا جەنە جەبٸرلەنۋشٸنٸڭ موبيلدٸ بانكينگ قوسىمشاسىنا تولىق قول جەتكٸزۋگە مٷمكٸندٸك بەرەدٸ. بانكينگ قوسىمشاسىنا قول جەتكٸزە وتىرىپ, الاياقتار جەكە شوتتارعا زاڭسىز ترانزاكتسييالار جاساعان.

RustDesk قوسىمشاسى - تانىمال Anydesk قوسىمشاسىنىڭ بالاما تٷرٸ. ينتەرنەت-الاياقتىق پەن كيبەرقىلمىستىڭ الدىن الۋ بويىنشا جٷرگٸزٸلٸپ جاتقان پروفيلاكتيكالىق ٸس-شارالارعا قاراماستان, الاياقتىق سانى ازايماي وتىر. اعىمداعى جىلدىڭ باسىنان بەرٸ وبلىس اۋماعىندا اتالعان باعدارلامانى پايدالانا وتىرىپ جاسالعان ينتەرنەت-الاياقتىقتىڭ 3 فاكتٸسٸ تٸركەلگەن.

مىسالى, 44 جاستاعى جەرگٸلٸكتٸ تۇرعىن قالالىق پوليتسييا بٶلٸمٸنە حابارلاسىپ, بەلگٸسٸز بٸرەۋدٸڭ تەلەفونىنا قوڭىراۋ شالعانىن جەنە ٶزٸن بانكتەر قاۋىمداستىعىنىڭ قاۋٸپسٸزدٸك قىزمەتكەرٸ رەتٸندە تانىستىرىپ, ونىڭ بانكتٸك شوتى بويىنشا كٷدٸكتٸ وپەراتسييالار تۋرالى حابارلاعانىن ايتقان. جەبٸرلەنۋشٸنٸڭ ساۋالنامالىق دەرەكتەرٸن ناقتىلاي كەلە, الاياقتار Rustdesk قوسىمشاسىن جٷكتەپ الۋدى سۇراپ, ونىڭ كٶمەگٸمەن جەبٸرلەنۋشٸگە تٷرلٸ بانكتە جالپى سوماسى 4 ملن تەڭگەگە كرەديتتەر رەسٸمدەگەن.