Foto: ashyq derekkóz
Shymkent qalasynyń 61 jastaǵy turǵyny telefon alaiaǵyna aldanyp, 2 million teńge qarajatyn beitanys adamnyń esepshotyna aýdaryp jibergen. Alaiaq ózin Ulttyq bank qyzmetkerimin dep tanystyryp, áieldiń depozitindegi aqshasy "zańsyz sheshilip ketýi múmkin" dep qorqytqan, dep habarlaidy Ult.kz.
Qarjynyń qaýipsizdigin syltaýratyp, alaiaq áielge ózi kórsetken "qaýipsiz shotqa" aqsha aýdarýdy usynǵan. Qoryqqan áiel bul áreketke baryp, keiin shyn máninde alaiaqtyń qurbany bolǵanyn túsingen soń sotqa júgingen.
Sot otyrysynda qarajat túsken adamnyń («dropperdiń») bul aqshany ózi emes, belgisiz bireýdiń nusqaýymen alǵanyn aityp, keiin úshinshi taraptarǵa jibergenin málimdegeni belgili boldy. Alaida ol aqshanyń zańdy jolmen túskenin dáleldei almady, ári onyń qaida ketkenin de anyqtaýǵa tyryspaǵan.
Sot bul áreketti "qarajatty zańsyz iemdený jáne negizsiz baiý" dep baǵalady. Zań boiynsha, bank kartasynyń iesi óz shotyndaǵy operatsiialar úshin jeke jaýapty jáne kez kelgen kúmándi áreketke baiyppen qaraýǵa tiis.
Nátijesinde sot jaýapkerden 2 mln teńge óndirip, aqshany iesine qaitarý týraly sheshim shyǵardy. Apelliatsiialyq saty da bul sheshimdi ózgerissiz qaldyrdy. Úkim zańdy kúshine endi.
