Osy ataýly kúnge orai balalarǵa arnaiy kontserttik baǵdarlama uiymdastyrylyp, tegin mýltiplikatsiialyq film kórsetildi.
Bul qaiyrymdylyq sharasyna Almaty qalasyndaǵy «Úmit» balalar úiiniń tárbielenýshileri, № 9 estý qabileti nashar balalar mektep-internatynyń oqýshylary, sondai-aq Alataý aýdanyna qarasty jalpy bilim berý oryndary oqýshylary jáne mektepke deiingi mekemelerden 750 asa tárbielenýshiler qatysty.
Sharanyń maqsaty – múmkindigi shekteýli balalardy qoǵamdyq ortaǵa tartyp, kópshilik nazarynan tys qaldyrmai, qoldaý kórsetý, ulttyq dástúrli mádenietimizdi nasihattaý.
Is-sharaǵa Qazaqstan halqy Assambleiasy tóraǵasynyń orynbasary Abilfas Mýslimuly Hamedov, Qazaqstan halqy Assambleiasy keńesi múshesi, filologiia ǵylymdarynyń doktory, professor, QR Kúrdter Barbang qaýymdastyǵynyń tóraǵasy Kniaz Ibragimuly Mirzoev, Almaty qalasy Alataý aýdany ákiminiń orynbasary Saiat Bolatuly Aǵybaev, Almaty qalasynyń psihonevrologiialyq aýytqýlary bar múgedek balalarǵa arnalǵan kúndiz bolý ortalyǵynyń direktory Nurziia Aǵabekqyzy Álimbekova, «Nur Otan» partiiasy Alataý aýdandyq filialy tóraǵasynyń birinshi orynbasary Muhanqali Turashuly Almasaev qatysty.
«Biz bir jyl kóleminde osy teatrmen tyǵyz bailanysta jumys jasap kelemiz. Demeýshiler taýyp, bizdiń balalardy osyndai tegin mýltfilm, kinolarymen qýantyp jatyr. Sondyqtan bul teatrǵa degen bizdiń alǵysymyz sheksiz», -dep atap ótti óz sózinde Almaty qalasynyń psihonevrologiialyq aýytqýlary bar múgedek balalarǵa arnalǵan kúndiz bolý ortalyǵynyń direktory Nurziia Álimbekova.
Kesh barysynda dástúrli jáne estrada ánshileri óner kórsetip, jetkinshekter kinokontsert zalynan animatsiialyq filmdi tamashalady.
