«Aq jol» partiiasy ákimdiktiń tyiym salýyna qaramastan, «Alashqa taǵzym» atty is-shara ótkizedi. Bul týraly Azat Perýashev 22 mamyr kúni áleýmettik jelilerde taraǵan beineúndeýinde habarlady. Joldaýdyń mátini (qysqarǵan nusqasy) tómende berilgen.
***
Qurmetti qazaqstandyqtar!
Jýyrda Nur-Sultan qalasynyń ákimdigi «Aq jol» partiiasynyń saiasi qýǵyn-súrgin qurbandaryn eske alý úshin «Alashqa taǵzym» atty sherý ótkizý jaily usynysyna ruqsat bermedi.
Ruqsat bermeýge negiz bolǵan sebepteri – qyp-qyzyl ótirik. Bizdiń ótinishimizde barlyq qajetti aqparat zańǵa sáikes kórsetilgen bolatyn.
Memlekettik organdardy da túsinýge de bolady: olar sailaý kezinde túrli arandatýlar men bassyzdyqtardan qaýiptenip otyrǵan shyǵar.
Sondyqtan mynany aitqym keledi: eshkim otqa mai quiyp, kópshilikti ashyndyrýǵa múddeli emes. Memlekettik institýttardy álsiretý - azamattardyń ózderi úshin de, memleket úshin de qaýipti nárse. Al ulttyq táýelsizdigimiz ben jerimizdiń tutastyǵyn saqtaý úshin kúshti memleket kerek.
Sonymen qatar, ol jai kúshti ǵana emes, árkim óziniń múmkindikteri men quqyqtaryn júzege asyra alatyn ádiletti de, ozyq memleket bolýy tiis.
Joǵaryda aitylǵandarǵa bailanysty, «Alashqa taǵzym» sherýine ruqsat bermegenimen, «Aq jol» partiiasynyń jetekshileri men depýtattary 31 mamyr kúni «Alash» qairatkerleri jáne qýǵyn-súrginge ushyraǵan ata-babalarynyń portretterimen ultynyń azattyǵy úshin kúresken qurbandardyń eskertkishine baryp, gúl qoiyp, quran baǵyshtaitynyn habarlaidy.
Bul miting emes, sondyqtan biz osy joly eshkimnen ruqsat suramaimyz. Bizdiń Qazaq Respýblikasynyń bolashaǵy úshin qurban bolǵandarǵa taǵzym etýge tolyq konstitýtsiialyq haqymyz bar.
Azat Perýashev,
«Aq jol» partiiasynyń tóraǵasy
