Almatyda QR Memlekettik hatshysy Qyrymbek Kósherbaev pen Qyrǵyz Respýblikasynyń Memlekettik hatshysy Súiúnbek Kasmambetovtiń qatysýymen ótken «Qazaq-qyrǵyz – Alashtan» atty halyqaralyq ǵylymi-praktikalyq konferentsiia aiasynda Halyqaralyq Túrki akademiiasy jaryqqa shyǵarǵan birqatar eńbekterdiń tusaýkeser rásimi ótti, dep habarlaidy QazAqparat.
Belgili memleket jáne qoǵam qairatkeri, tanymal ǵalym Zainidin Kýrmanovtyń «Kyrgyzskii filial partii «Alash»: sozdanie, deiatelnost, sýdba» aty kitaby alashtaný salasynda jańalyǵy mol eńbek sanalady.
Halyqaralyq Túrki akademiiasy jaryqqa shyǵarǵan irgeli eńbekte avtor tarihi qujattar arqyly Alash partiiasynyń Qyrǵyzstandaǵy qyzmetin jan-jaqty zerdelep, oǵan basshylyq jasaǵan tulǵalardyń tóńkeristen keiingi taǵdyry týraly baiandaidy. Monografiiaǵa alash qairatkerleriniń muratqa jetý jolyndaǵy tabandy kúresi arqaý bolǵan.
Sonymen qatar, qyrǵyz-alash qairatkeri, aǵartýshy ǵalym, aqyn Qasym Tynystanovtyń 1925 jyly qazaq jáne qyrǵyz tilderinde jaryq kórgen «Qasym jyrlary» kitaby Halyqaralyq Túrki akademiiasy tarapynan túrik tiline tolyq aýdarylyp, faksimilesimen qosa akademiialyq jinaq retinde jariianyp otyr.
Biregei basylymdaǵy jyrlar qyrǵyzsha latyn álipbiinde jáne túrikshe aýdarmasymen qatarlastyra berilgen. Tarihi basylymdy baspaǵa ázirleýge Sabyrbek Borýbaev atsalysty.
Nebary 37 jyldyq ǵumyrynda óshpes mol mura qaldyrǵan Qasym Tynystanov – qyrǵyz álipbiiniń bastaýynda turǵan, til bilimine ólsheýsiz úles qosqan tulǵa.
