Búgin tańerteń Semeiden Alakólge 12 adamdy apara jatqan avtobýstan órt shyqqan, dep habarlaidy "Ult aqparat".
ShQO tótenshe jaǵdailar departamentiniń habarlaýynsha, jolaýshylar mingen «Lifan» markaly avtobýs «Taskesken-Baqty» tasjolynda otqa oranǵan.
Qyzyl jalyn kóliktiń qozǵaltqysh bóliginen tutanyp, keiin dóńgelekteri men avtobýs ishine jaiylǵan.
«Avtobýs ishinde 12 jolaýshy bolǵan. Eshqaisysy zardap shekken joq. Olar jolai ózge kólikterge otyryp, dittegen jerlerine jetti. Órt bolǵan jerde Úrjar aýdanyndaǵy №17 órt sóndirý bóliminiń qyzmetkerleri jumys istep, tańǵy saǵat 6.30-da tilsiz jaýdy aýyzdyqtady. Órtke kólik iesiniń abaisyzdyǵy sebep bolýy múmkin», - delingen departament taratqan aqparatta
