بٷگٸن تاڭەرتەڭ سەمەيدەن الاكٶلگە 12 ادامدى اپارا جاتقان اۆتوبۋستان ٶرت شىققان, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸنٸڭ حابارلاۋىنشا, جولاۋشىلار مٸنگەن «Lifan» ماركالى اۆتوبۋس «تاسكەسكەن-باقتى» تاسجولىندا وتقا ورانعان.
قىزىل جالىن كٶلٸكتٸڭ قوزعالتقىش بٶلٸگٸنەن تۇتانىپ, كەيٸن دٶڭگەلەكتەرٸ مەن اۆتوبۋس ٸشٸنە جايىلعان.
«اۆتوبۋس ٸشٸندە 12 جولاۋشى بولعان. ەشقايسىسى زارداپ شەككەن جوق. ولار جولاي ٶزگە كٶلٸكتەرگە وتىرىپ, دٸتتەگەن جەرلەرٸنە جەتتٸ. ٶرت بولعان جەردە ٷرجار اۋدانىنداعى №17 ٶرت سٶندٸرۋ بٶلٸمٸنٸڭ قىزمەتكەرلەرٸ جۇمىس ٸستەپ, تاڭعى ساعات 6.30-دا تٸلسٸز جاۋدى اۋىزدىقتادى. ٶرتكە كٶلٸك يەسٸنٸڭ ابايسىزدىعى سەبەپ بولۋى مٷمكٸن», - دەلٸنگەن دەپارتامەنت تاراتقان اقپاراتتا
