Alakóldegi demalys bazalarynyń birinen órt shyqty, - dep habarlaidy Massaget.kz TJM baspasóz qyzmetine silteme jasap.
Vedomstvo málimetinshe, 4 shildede 23:20-da Úrjar aýdany, Alakól kólindegi demalys bazalarynyń birinen órt shyqqan.
"Qatty soqqan jelden demalys bazasy men kórshi baza áp-sátte otqa orandy. Órt sharpyǵan aýmaq shamamen myńnan asa sharshy metr. Sondai-aq qurǵaq shóp qosa janyp jatyr. Órt sóndirýge ShQO TJD jeke quramynan 10 adam jáne 3 birlik tehnika, jergilikti atqarýshy bilik pen turǵyndar jumylýda. Kúshter men quraldar boiynsha jalpy aqparat anyqtalyp jatyr", - delingen habarlamada.
Demalýshylar ózdiginen úilerden ketip jatyr. Politsiia jeke quramy jaqyn mańdaǵy bazalardy qorshaýǵa aldy.
Órt ornyna ShQO TJD-dan qosymsha 22 qyzmetker men 6 birlik tehnika, Ulttyq parkten 4 adam men 1 tehnika kele jatyr.
