Aidyndy Alakólde shomylý maýsymy 13 maýsymnan bastalady. Shipaly kól eki oblystyń aýmaǵynda ornalasqandyqtan eki óńirdiń týristik nysandary bir kúnde jumysyn bastaýdy josparlap otyr. Bul týraly baspasóz máslihatynda Almaty oblysynyń ákimi Amandyq Batalov málimdedi, - dep habarlaidy "Ult aqparat".
Týristerdiń kólge jetýin jyldamdatý úshin Úsharal qalasyna Nur-Sultan, Almaty jáne Taldyqorǵan qalalarynan ushaqtar qatynaidy. Sondai-aq, oblys biýdjetinen temir jol bailanysy sýbsidiialanbaq. Al Jetisý óńirindegi keibir týristik nysandar máselen Kólsai kólderi, Altynemel ulttyq parkteri, Uiǵyr aýdanynyń termaldy sýlarynyń demalys oryndary jumysyn birinshi maýsymnan bastamaq. Barlyq týristik nysan ielerine qaýipsizdik talaptaryn qatań saqtaý mindetteledi.
«Ózimiz sýbsidiia bólip kúnine, aptasyna emes, kúnine 5-6 ret ushaq Taldyqorǵannan Úsharalǵa qatynaityn bolady. 20-dan astam vagon Almatydan Aqshige deiin týristerdi jetkizedi», - Almaty oblysynyń ákimi Amandyq Batalov.
Esterińizge sala keteiik, jyldan-jylǵa Alakólge kelýshiler sany artýda. Máselen, osydan 5 jyl buryn demalýshylardyń sany 400 myńǵa jeter-jetpes bolsa, byltyr kólge kelgen týristerdiń sany 1,5 mlnǵa jýyqtaǵan.
