Biyl Almaty oblysy 1,5 million týristke qyzmet kórsetken. Sonyń ishinde Alakólde 750 myń adam demalǵan. Bul týraly aimaq basshysy Amandyq Batalov OKQ-da ótken baspasóz máslixatynda málimdedi, dep xabarlaidy Baq.kz tilshisi.
Jetisý óńiri ákiminiń sózinshe, Alakól jaǵasyndaǵy infraqurylymdy damytýǵa jergilikti biýdjetten 2,6 mlrd teńge bólingen. Úsharal qalasynda áýejai turǵyzylyp, temir jol vokzalynyń qurylysy bastalǵan.
«Úkimetke shyǵyp, Qazaqstan temir jolyna shyǵyp, Alakólde temir jol vokzaly salyndy. Sý qubyry júrgizildi. Elektr jelisin alyp keldik. Sol jerde qanshama myń xalyq tursa da, kishkentai bala naýqastanyp qalsa, inemen dári egetin jaǵdai bolmaǵan. Ótken jyly aýrýxana saldyq. Alakóldiń qazirgi jaǵdaiyn kórseńiz, tań qalasyz”, - dedi Amandyq Batalov.
Biyl Almaty oblysyna 1,5 millionnan astam týrist kelgen. Sonyń ishinde, bir ǵana Alakólde 750 myń adam demalǵan.
«Qyzmet kórsetýi sheteldik kýrorttardan kem túspeitin, qazirgi zamanǵa sai úsh demalys orny ashyldy. Úsh jylda óńirdegi aqyly týristik-saýyqtyrý qyzmetteriniń kólemi 40%-ǵa artyp, 5,5 mlrd teńgeni qurady»», - dep xabarlady Amandyq Batalov.
