Alakól kóliniń sýy jaǵalaýda ornalasqan demalys oryndaryna taiap, ǵimarattardy shaiyp jatyr. Bul týraly áleýmettik jelide kýágerler málimdedi, - dep habarlaidy Kaz.tengritravel.kz portaly.
Instagram-da Alakóldiń sol jaǵalaýyndaǵy Aqshi aýylynyń mańynda túsirilgen video jariialandy. Onda sýdyń demalys ornyna qatty jaqyndaǵany jáne biik jaǵalaýdyń opyrylyp jatqanyn kórýge bolady.
Jetisý oblysy ákimdigi ókilderiniń aitýynsha, videodaǵy nysan 1974 jyly salynǵan. Bul demalys úii áli kúnge deiin jumys isteidi eken. Jer teliminiń aýmaǵy 2300 metrden asady.
"Ol salynǵannan bastap Alakól kóliniń sýy kóktem jáne kúz ailarynda kóteriletin bolǵandyqtan jaǵasy shaiylatyny belgili. Sol sebepti kóldiń sýyna tosqaýyl bolatyn damba salý jospar boiynsha iske asyrylǵan. Bul kásipkerlerdiń múlki men jaǵalaýdy ustaý úshin istelgen.
Bul jobanyń negizgi maqsaty - kól júiesin saqtap qalyp, jaǵalaýdyń búlinýin toqtatý jáne erejege sáikes Aqshi men Kóktuma aýyldaryndaǵy ǵimarattardyń tehnikalyq qaýipsizdigin qamtamasyz etý", - dedi sheneýnikter.
Alakóldegi sýqorǵaý aýmaǵy 2006 jyldan beri jumys istep kele jatqany aitylady.
"Ókinishke orai kóldiń tabiǵi faktory bar - sýdyń tolqýy, sýqorǵaý tizbekterin shaiyp ketedi", - dedi ákimdik ókilderi.
"Bul múliktiń túri saqtandyrylmaǵan. Sonymen qatar, memleket qaramaǵyndaǵy jer telimine ielik etý aýktsion arqyly júrgiziledi. Bylaisha aitqanda, zańda tabiǵi apat saldarynan zardap shekken jer telimine memleket eshqandai materialdyq kómek kórsetpeidi", - dep qorytyndylady ákimdiktegiler.
