Foto: Kazinform
«Alakól memlekettik tabiǵi qoryǵy» RMM direktory sottaldy, dep habarlaidy Antikor.
— Jetisý oblysynda Alakól aýdandyq sotymen Ekologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń «Alakól memlekettik qoryǵy» RMM direktory Q. Ábilqasymov, onyń orynbasary N. Beisenov jáne bólim basshysy R. Shalapanov sottaldy. Olar qyzmet kórsetiletin aýmaqta zańsyz shóp shabý boiynsha ákimshilik jaýapkershilikke tartpaǵany úshin jergilikti turǵyndardan aldyn ala sóz bailasý arqyly adamdar tobynda birneshe ret para alǵany úshin kináli dep tanyldy. Abylqasymov pen Shalapanovtyń árqaisysyna 10,5 mln teńge, al Beisenovke 15,7 mln teńge kóleminde aiyppul salyndy. Osy úkimmen, Alakól aýdanynyń turǵyndary O. Býlgýnchinov men K. Kanagatov atalmysh laýazymdy tulǵalarǵa para bergeni úshin sáikesinshe 6 mln teńge jáne 2,2 mln teńge aiyppulǵa sottaldy, — delingen Antikor habarlamasynda.
Sonymen qatar, sottalǵandarǵa ómir boiy memlekettik qyzmette jáne kvazimemlekettik sektorda qyzmet atqarýǵa tyiym salynady.
Sot úkimi zańdy kúshine endi.
Buǵan deiin Qazaqtelekomnyń laýazymdy tulǵalary tergelip jatqany týraly habarlaǵan bolatynbyz.
