Almatyda alaiaqtardyń qurbany bolyp, baspanasynan aiyrylǵan zeinetker men onyń 12 jastaǵy nemeresi ýaqytsha turǵyn úige ornalastyryldy, dep habarlaidy ult.kz.
Qalalyq Balalardyń quqyqtaryn qorǵaý basqarmasynyń basshysy Janat Aitpaevanyń aitýynsha, qazir otbasy jeke úide tegin turyp jatyr. Memlekettik organdar olardyń ýaqytsha baspana máselesin sheshken.
Sondai-aq áje men nemeresine áleýmettik jáne psihologiialyq kómek kórsetilip jatyr. Turaqty turatyn jermen qamtamasyz etý máselesi de qarastyrylýda.
Eske salaiyq, buǵan deiin zeinetker telefon alaiaqtarynyń arbaýyna túsip, qyzy jáne nemeresimen birge turatyn páterinen aiyrylǵanyn málimdegen edi. Qazirgi tańda bul derek boiynsha alaiaqtyq babymen qylmystyq is tergelip jatyr.
