Aýǵanstandaǵy biliktegi Taliban qozǵalysynyń jetekshisi Haibatýlla Ahýndzada memlekettik qyzmetkerler men qozǵalys múshelerine smartfon paidalanýǵa tyiym saldy, dep habarlaidy Ult.kz.
Afghanistan International basylymynyń málimetinshe, tyiym týraly aýyzsha buiryq qozǵalystyń Ádilet ministrligi arqyly eldiń segiz aimaǵyndaǵy áskeri sottardyń basshylaryna jetkizilgen. Sonymen qatar bul nusqaýlyq jóninde politsiia basshylary men barlaý qyzmetteriniń jetekshileri de habardar etilgen.
Basylymnyń jazýynsha, talapty buzǵan tulǵalar áskeri sottyń qaraýyna jiberilýi múmkin.
Sondai-aq Aýǵanstan biligi baqylaýǵa alynatyn qyzmetkerlerdiń aty-jóni, atqaratyn qyzmeti, jumys orny, uialy bailanys operatory jáne telefon nómiri kórsetilgen arnaiy tizim ázirlegeni aityldy.
Bul — eldegi tsifrlyq qurylǵylarǵa qatysty alǵashqy shekteý emes. Buǵan deiin talibter smartfondardy paidalaný men tiri jandardyń beinesin jariialaýǵa bailanysty birqatar shekteýler engizgen. Al 2025 jyly Haibatýlla Ahýndzada qozǵalys múshelerin smartfondardy paidalanýdy azaitýǵa shaqyrǵan bolatyn.
Budan bólek, birneshe kún buryn Aýǵanstannyń Bilim ministrligine qarasty islamdyq bilim berý bólimi oqýshylarǵa mektepter men dini seminariialarǵa smartfon alyp kelýge tyiym salatyn arnaiy direktiva shyǵardy.
