Qazaqstan Elshiligi QR Saýda jáne integratsiia ministrliginiń jáne malaiziialyq «Aladdin» kompaniiasynyń qatysýymen halal ónimderimen saýda jasaý máselesine qatysty beinekonferentsiia uiymdastyrdy, dep habarlaidy "Ult aqparat".
Is-sharaǵa Elshi Bolat Imanbaev, Saýda jáne integratsiia vitse-ministri Ásel Janasova, «QazTrade» saýda saiasatyn damytý ortalyǵy» AQ marketing jáne elektrondyq kommertsiia departamentiniń direktory Ójet Shegirbaev, «Aladdin» kompaniiasynyń negizin qalaýshy jáne basshysy Desmond To jáne ózgeler qatysty.
Kezdesý barysynda elektrondy saýda, «Aladdin» platformasyndaǵy halal ónimderiniń saýdasy, qazaqstandyq kompaniialardyń Ońtústik-Shyǵys Aziia (OShA) naryǵyna jáne malaiziialyq kompaniialardyń Ortalyq Aziia jáne Eýraziialyq ekonomikalyq odaq naryqtaryna shyǵý salasyndaǵy ózara árekettesý múmkindikterin talqylady.
Kompaniia basshylyǵy elektrondy saýda jáne halal indýstriiasy salasyndaǵy OShA naryǵy týraly, «Aladdin»-niń jumysy, platformadaǵy saýda-sattyq qaǵidattary jáne tirkelý týraly tolyq aqparat berdi.
Beinekonferentsiia nátijesinde taraptar arasynda ózara tiimdi yntymaqtastyqty damytýǵa ýaǵdalasty. Atap aitqanda, óz taýarlaryn OShA naryqtaryna shyǵarý úshin qazaqstandyq kompaniialardyń tizimin pysyqtaý, «Aladdin» kompaniiasyn «Astana» halyqaralyq qarjy ortalyǵy negizinde tirkeý jáne QR Saýda jáne integratsiia ministrligimen yntymaqtastyq týraly memorandýmǵa qol qoiý kelisildi.
